టాలీవుడ్ లో తనకంటూ మంచి గుర్తింపు తెచ్చుకున్న హీరోయిన్ శ్రీయ. టాలీవుడ్ లోని అందరు అగ్రహీరోల సరసన నటించిన ఈ ముద్దుగుమ్మ వయసు మూడు పదులు దాటినా తరగని అందంతో కుర్రకారుకు పిచ్చెక్కిస్తోంది. ఈ మధ్యనే అగ్రకథానాయకుడు బాలకృష్ణ సరసన పైసా వసూల్ చిత్రంలో నటించి నందమూరి అభిమానులను మరోసారి మెప్పించింది. ఇత‌ర రంగాల‌నుంచి వ‌చ్చిన హీరోయిన్ అయిదారేళ్లు ఇండ‌స్ట్రీలో ఉండేందుకు ప్ర‌య‌త్నిస్తారు. ఆ త‌రువాత అవకాశాలు రాని కారణంతో తిరిగి వెళ్ళిపోతారు. కానీ శ్రియా అలాకాదు కెరీర్ మొదలు నుంచి నేటి వరకు అదే జోష్ ని కొనసాగిస్తున్నారు. అంతేకాదు నేటి హీరోయిన్ల‌తో స‌మానంగా సినిమాలు చేస్తూ స‌వాల్ విసురుతుంది.  రీసెంట్ గా శ్రియా ఫోటో షూట్ నిర్వ‌హించింది. ఆ ఫోటో షూట్ తో టాలీవుడ్ ను మ‌రికొన్ని సంవ‌త్స‌రాల‌పాటు త‌న హ‌వా ఏంటో నిరూపించుకునేలా మై సౌత్ డివా క్యాలెండర్ కు ఫోజులు ఇచ్చింది. అయితే ఈ ముద్దుగుమ్మ ఫోటో షూట్స్ మ‌రికొన్ని ఆఫ‌ర్స్ ను ద‌క్కించుకునేలా ఉన్నాయ‌ని అంటున్నారు. అయితే ఈ ఫోటో చూసిన వారికెవరికైనా మతి పోవాల్సిందే అంటున్నారు శ్రీయ అభిమానులు.