మనామా: మినిస్ట్రీ ఆఫ్‌ వర్క్స్‌, మునిసిపాలిటీ ఎఫైర్స్‌ మరియు అర్బన్‌ ప్లానింగ్‌, షేక్‌ సల్మాన్‌ హైవే మరియు తషాన్‌ అవెన్యూ జంక్షన్‌ - అల్‌ ఖమీస్‌ ప్రాంతంలో అభివృద్ధి పనుల నేపథ్యంలో ట్రాఫిక్‌ పరంగా కొన్ని చర్యలు తీసుకోవాల్సి వస్తోందని తెలిపింది. ఈ నేపథ్యంలోనే ఓ లేన్‌ని మూసివేయనున్నారు. ఈ మూసివేత జనవరి 11న రాత్రి 11 గంటల నుంచి ఆదివారం జనవరి 14 ఉదయం 5 గంటల వరకు అమల్లో ఉంటుంది. మూసివేత నేపథ్యంలో వాహనదారులు ప్రత్యామ్నాయ మార్గాల్లో వెళ్ళాలనీ, అలాగే ట్రాఫిక్‌ సిబ్బంది సూచనల మేరకు నడచుకోవాలని విజ్ఞప్తి చేసింది.