దోహాకు ఉత్తరంగా సుమారు 15 కిలోమీటర్ల దూరంలో ఉన్న ఉమ్మ్ సలాల్ మొహమ్మద్ పట్టణంలో నివసిస్తున్న ప్రవాస కార్మికులు, పెరుగుతున్న జనాభా అవసరాలకు అనుగుణమైన ఆరోగ్య సదుపాయాలు పెరగడం లేదని, తమకు ఒక కొత్త ఆసుపత్రి అత్యవసరమని అనేక మార్లు విజ్ఞప్తులు చేస్తున్నారు. గత రెండు సంవత్సరాలలో సుమారు 30 మంది కాంట్రాక్టు సంస్థలు ఈ పట్టణంలో మరియు పరిసర ప్రాంతాలలో  శ్రామిక ఆవాసాలను ఏర్పాటు చేసాయని, అందులో సుమారు 20,000 మంది నివాస ముంటున్నారని సమాచారం.  ఐతే వీరికి సరయిన వైద్య సదుపాయం అందుబాటులో లేదు;  వైద్య సేవలకోసం వారు, అల్ ఖోర్ పారిశ్రామిక ప్రాంతానికి లేదా మెసాయిమీర్ కు  వెళ్ళవలసి వస్తోంది. అందువల్ల తమ అభ్యర్ధనలను మన్నించి, ఆరోగ్య శాఖ వారు ఇక్కడ ఒక  ఆసుపత్రిని ఏర్పాటు చేయాలని, అంతవరకూ తాత్కాలిక ఏర్పాటుగా మొబైల్ ఆరోగ్య కేంద్రాలను అందుబాటులో ఉంచాలని ఇక్కడి అనేక మంది శ్రామికులు కోరుతున్నారు.