ఫేక్‌ నెంబర్‌ ప్లేట్‌ని వినియోగిస్తున్న మోటరిస్ట్‌ని అబుదాబీ పోలీసులు వెంబడించి పట్టుకున్నారు. నిందితుడ్ని 24 ఏళ్ళ జిసిసి జాతీయుడిగా గుర్తించారు. ఓ రోడ్డు ప్రమాదానికి కారణమైన ఈ నిందితుడు, ప్రమాదానంతరం అక్కడినుంచి పారిపోయాడు. విచారణలో పోలీసులు, నిందుతుడు ఫేక్‌ నెంబర్‌ ప్లేట్‌ని వినియోగిస్తున్నట్లు గుర్తించారు. విచారణ అనంతరం పబ్లిక్‌ ప్రాసిక్యూషన్‌కి పోలీసులు నిందితుడ్ని అప్పగించారు. అబుదాబీ ట్రాఫిక్‌ డిపార్ట్‌మెంట్‌ డైరెక్టర్‌ బ్రిగేడియర్‌ మొహమ్మద్‌ దాహి అల్‌ హుమైరి మాట్లాడుతూ, ప్రమాదం గురించి తెలిసిన వెంటనే పోలీసులు చాకచక్యంగా నిందితుడ్ని గుర్తించి, అతన్ని ఛేజ్‌ చేసి పట్టుకున్నామని చెప్పారు. అతను ఉపయోగించిన కారుని కూడా స్వాధీనం చేసుకున్నారు. ఫేక్‌ నెంబర్‌ ప్లేట్‌ వినియోగానికిగాను నిందితుడిపై చట్టపరమైన చర్యలుంటాయి. ఇలాంటి నేరాలకు 20,000 దిర్హామ్‌ల వరకు జరీమానా విధిస్తారు.