కువైట్ : అల్ శుయూఖ్ జెలీబ్ లో అమ్మకానికి సిద్ధంగా ఇంట్లో తయారుచేయబడిన నాటుసారా గిడ్డంగిపై పోలీసులు దాడి చేశారు. ఈ సారా తయారీ కేంద్రాన్ని నిర్వహిస్తున్న ఆసియా దేశాలకు చెందిన ముగ్గురు నిందితులను ఈ సందర్భంగా అరెస్టు చేశారు. ముగ్గురు వ్యక్తులు  జెలీబ్  మరియు హాసవి ప్రాంతంలో మద్యం నిల్వ చేసినట్లు విశ్వసనీయ సమాచారం అందుకొన్న నేపథ్యంలో పోలీసులు ఒక జట్టుగా ఏర్పడి దాడి చేయడానికి ఒక పథకం రూపొందించారు. ఆ గిడ్డంగిలో మొత్తం 2,120 మద్యం సీసాలు దొరికాయి. అరెస్ట్ కాబడిన అనుమానితులను  సంబంధిత అధికారుల వద్దకు పంపించారు.