రకుల్‌ ప్రీత్‌సింగ్‌ చెన్నై, న్యూస్‌టుడే: చిత్ర పరిశ్రమలో వదంతులకు కొదవే ఉండదు. అందులో భాగంగా ప్రస్తుతం కోలీవుడ్‌లో భారీ స్థాయిలో జరుతున్న ప్రచారం రకుల్‌ప్రీత్‌సింగ్‌, రానా ప్రేమించుకుంటున్నారన్నదే. 'బాహుబలి', 'నాన్‌ ఆనైయిట్టాల్‌' చిత్రాలతో తమిళ ప్రేక్షకులకు దగ్గరయ్యారు రానా. ఇక తాజాగా విడుదలైన 'ధీరన్‌ అధిగారం ఒండ్రు'తో మంచి విజయాన్ని అందుకుంది రకుల్‌. వీరిద్దరి ప్రేమాయణానికి సంబంధించి విషయాలపై కోడంబాక్కం వర్గాలు గుసగుసలాడుతున్నాయి. అయితే దీనిపై రకుల్‌ ప్రీత్‌సింగ్‌ స్పందిస్తూ.. నేను, రానా మంచి స్నేహితులు. మేం మొత్తం 20 మంది స్నేహితులు ఉన్నాం. వారిలో ఇంకా పెళ్లికాని వారు కొందరు ఉన్నారు. అందుకే మేం కాస్త సన్నిహితంగా ఉంటాం. దీనికే ఇలాంటి వదంతులు వస్తున్నాయి అని అన్నారు.