మాదాపూర్‌, న్యూస్‌టుడే: హైదరాబాద్‌ ఈవెంట్స్‌ సంస్థ ఆధ్వర్యంలో నిర్వహించనున్న మిస్టర్‌ అర్బన్‌ ఇండియా, మిస్‌ అర్బన్‌ ఇండియా టైటిల్‌ పోటీలకు సంబంధించి అభ్యర్థుల ఎంపిక ప్రక్రియను ఆదివారం మాదాపూర్‌లో నిర్వహించారు. హైదరాబాద్‌ ఫ్యాషన్‌ డే పేరిట నిర్వహించిన ఈ కార్యక్రమంలో మోడలింగ్‌ పట్ల ఆసక్తి ఉన్న యువతీయువకులు ఉత్సాహంగా పాలుపంచుకున్నారు.. ఆధునిక శైలిలో దుస్తులు ధరించి ర్యాంప్‌పై హొయలొలికించారు. మొత్తం 100మంది పోటీల్లో పాలుపంచుకోగా ఫైనల్‌కు 50మందిని ఎంపిక చేశారు. ఫిబ్రవరి 14న మాదాపూర్‌లోని ఎన్‌కన్వెన్షన్‌ సెంటర్‌లో తుది పోటీ ఉంటుందని హైదరాబాద్‌ ఈవెంట్స్‌ చైర్మన్‌ శ్రీనివాస్‌ చెప్పారు.