మస్కట్‌: సుల్తానేట్‌లో ఈ ఏడాది మార్చి నుంచి మహిళలు కమర్షియల్‌ వాహనాలు నడిపేందుకు వీలు కలగనుంది. ట్యాక్సీలు అలాగే, హెవీ వెహికిల్స్‌ నడిపేందుకు సైతం మహిళలకు అనుమతులివ్వనున్నట్లు రాయల్‌ ఒమన్‌ పోలీసులు వెల్లడించారు. రాయల్‌ ఒమన్‌పోలీస్‌ ట్రాఫిక్‌ డిపార్ట్‌మెంట్‌ డైరెక్టర్‌ జనరల్‌ బ్రిగేడియర్‌ మొహమ్మద్‌ అల్‌ రవాస్‌ మాట్లాడుతూ, ట్యాక్సీలు అలాగే కమర్షియల్‌ వాహనాలు నడిపేందుకోసం మహిళలకు ఎలాంటి లిమిటేషన్లు లేదా కండిషన్లు ఉండవని చెప్పారు. మార్చి 1 నుంచి అమల్లోకి తీసుకురానున్న కొత్త ట్రాఫిక్‌ రూల్స్‌ని వెల్లడించే క్రమంలో రాయల్‌ ఒమన్‌ పోలీసులు మహిళా డ్రైవర్లకు సంబంధించి స్పష్టతనిచ్చారు.