నేషనల్‌ సెంటర్‌ ఫర్‌ మిటియరాలజీ వెల్లడించిన వివరాల ప్రకారం, ఈ రోజు యూఏఈలో పలు చోట్ల ఆకాశం మేఘావృతమై ఉంటుంది. ఐలాండ్స్‌, వెస్టర్న్‌ కోస్ట్స్‌లలో క్లౌడ్స్‌ మరింత ఎక్కువగా కనిపిస్తాయి. తాజా గాలులల ప్రభావంతో డస్ట్‌, ఇసుక విపరీతంగా ఎగసిపడ్తాయి. దాంతో పలు ప్రాంతాల్లో విజిబిలిటీ దెబ్బతింటుంది. సముద్ర తీరమంతటా బలమైన గాలులు వీస్తాయి. అరేబియన్‌ గల్ఫ్‌ తీరంలో గాలుల తీవ్రత కారణంగా కెరటాలు ఎగసిపడే అవకాశముంది. 10 నుంచి 12 అడుగుల ఎత్తున ఎగసిపడే కెరటాలతో అప్రమత్తంగా ఉండాలని నేషనల్‌ సెంటర్‌ ఆఫ్‌ మిటియరాలజీ యూఏఈ వాసుల్ని హెచ్చరించింది.