మస్కట్‌: ఘలా లోని ఓ మెడికల్‌ స్టోరేజ్‌ ఫెసిలిటీలో అగ్ని ప్రమాదం చోటు చేసుకుంది. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) ఈ విషయాన్ని ధృవీకరించింది. సోషల్‌ మీడియాలో ఈ ప్రమాదం గురించి పేర్కొన్న పిఎసిడిఎ, ఘటనా స్థలానికి సిబ్బంది చేరుకుని, మంటల్ని అదుపు చేస్తున్నట్లు వివరించింది. ప్రమాదానికి గల కారణాలు తెలియవలసి ఉంది. పెద్దయెత్తున సంఘటనా స్థలంలో ఆస్థి నష్టం జరిగి ఉండొచ్చని అనుమానాలు వ్యక్తం చేస్తున్నారు. ఫైర్‌ ఫైటర్స్‌ ఎంతో చాకచక్యంగా వ్యవహరించి మంటల్ని అదుపు చేస్తున్నట్లు పిఎసిడిఎ ట్విట్టర్‌లో పేర్కొంది.