మస్కట్‌: ఒమన్‌లో వలసదారుల సంఖ్య గణనీయంగా తగ్గింది. ఒమన్‌కి చెందిన 11 గవర్నరేట్స్‌ పరిధిలో 8 గవర్నరేట్లలో ఈ తగ్గుదల ఎక్కువగా నమోదయ్యింది. 0.08 శాతం తగ్గుదల నమోదయినట్లు గణాంకాలు చెబుతున్నాయి. మస్కట్‌ పరిధిలో నవంబర్‌ - డిసెంబర్‌ మధ్య 9808 మంది వలసదారులు తగ్గారు. మస్కట్‌లో నవంబర్‌ 2017 నాటికి 955,455 మంది వలసదారులు నివసిస్తుండగా, 2017 ఏడాది చివరి నాటికి ఈ సంఖ్య 948,342గా నమోదయ్యింది. దోపార్‌లో 248,628 నుంచి 247,010కి తగ్గింది. అల్‌ బతినా సౌత్‌, అల్‌ బురైమి, ముసాదాం, షర్కియా సౌత్‌, షర్కియా నార్త్‌, అల్‌ వుస్తా ప్రాంతాల్లోనూ వలసదారుల సంఖ్యలో తగ్గుదల నమోదయ్యింది. అయితే అద్‌ దఖ్లియా, అల్‌ బతినా నార్త్‌, అద్‌ దహిరాలో వలసదారుల సంఖ్య పెరిగింది.