కువైట్: సల్మియాని ఒక భవనంలో ఒక అగ్నిప్రమాదం సంభవించింది. అగ్నిమాపకదళ సిబ్బంది సన్నివేశానికి చేరుకొని అగ్నిని నియంత్రిస్తున్న సమయంలో చుట్టుముట్టిన మంటల నుండి తమను తాము రక్షించుకొనేందుకు ఆసియా దేశానికి చెందిన ఓ జంట ఆ భవనం రెండవ అంతస్తు బాల్కనీ నుండి  కిందకు దూకినట్లు భద్రతా వర్గాలు తెలిపాయి. ఈ ఘటనలో వారికీ గాయాలు కావడంతో వారిని చికిత్స నిమిత్తం ఆసుపత్రికి తరలించారు. ఆ భవనంలో వ్యాపించిన మంటలను అగ్నిమాపకదళ సిబ్బంది సమర్ధవంతంగా నియంత్రించారు. ఈ భవనంలో మంటలు ఎలా వ్యాపించాయి తెలుసుకొనేందుకు అధికారులు పరిశోధనలు జరుపుతున్నారు.