మనామా: భారతీయ వలసదారుడు థామస్‌ కుట్టియిల్‌, మంగళవారం రాత్రి మృతి చెందారు. కొంతకాలంగా క్యాన్సర్‌తో బాధపడుతున్న థామస్‌, నిన్న రాత్రి మృతి చెందినట్లు ఆయన సన్నిహితులు వెల్లడించారు. బహ్రెయిన్‌లో సుదీర్ఘకాలంగా నివసిస్తున్నారు థామస్‌. 2003 నుంచి బహ్రెయిన్‌లోనే ఉంటోన్న థామస్‌, 2016లో క్యాన్సర్‌ బారిన పడ్డారు. అరేబియన్‌ ఇంప్రెషన్స్‌లో ప్రొడక్షన్‌ మేనేజర్‌గా పనిచేశారు థామస్‌ కుట్టియిల్‌. హోమ్‌ టౌన్‌లో బుధవారం ఆయన అంత్యక్రియలు జరిగాయి. థామస్‌కి ఆయన భార్య లీనా థామస్‌తోపాటుగా అష్లీ, అలీటా అనే పిల్లలూ ఉన్నారు.