మస్కట్‌: మవసలాట్‌ ట్యాక్సీ సర్వీసులకు సంబంధించి ఆదివారం నుంచి ధరలు 50 శాతం వరకు (బేస్‌ ఫేర్‌) తగ్గిస్తున్నట్లు సంస్థ ప్రకటించింది. ఒమన్‌ నేషనల్‌ ట్రాన్స్‌పోర్ట్‌ కంపెనీ (మవసలాత్‌), 3 ఒమన్‌ రియాల్స్‌ నుంచి ప్రారంభమవుతాయని అన్నారు. ఇప్పటిదాకా ఈ ధరలు 6 ఒమన్‌ రియాల్స్‌ నుంచి ప్రారంభమవుతున్నాయి. అలాగే కిలోమీటర్‌కి 200 బైసాస్‌ చెల్లించాల్సి ఉంటుంది. ఉదయం 6 గంటల నుంచి రాత్రి 10 గంటల వరకు ఈ ధరలు చెల్లుబాటవుతాయి. అయితే ఎయిర్‌పోర్ట్‌ ట్యాక్సీలకు మినిమమ్‌ ఛార్జ్‌ 5 ఒమన్‌ రియాల్స్‌గా నిర్ణయించారు. రాత్రి 10 గంటల తర్వాత రేట్లు 3.6 ఒమన్‌ రియాల్స్‌ నుంచి ప్రారంభమవుతాయి. కిలోమీటర్‌కి 450 బైసాస్‌ (30 కిలోమీటర్ల వరకు), 30 కిలోమీటర్లు దాటితే 200 బైసాస్‌ కిలోమీటర్‌కి చెల్లించాల్సి ఉంటుంది. ఫిబ్రవరి 18 నుంచి ఎయిర్‌పోర్ట్‌ ట్యాక్సీలను నడపనున్నట్లు మవసలాట్‌ ఇదివరకే ప్రకటించింది.