లైంగిక పరమైన అసభ్యతకు పాల్పడినందుకు గాను ముగ్గురు వ్యక్తులకు న్యాయస్థానం ఆరు నెలల జైలు శిక్ష, డిపోర్టేషన్‌ని విధించింది. కల్బా పోలీసులకు అందిన సమాచారం మేరకు ముగ్గురు ఆసియాకి చెందిన వ్యక్తులు ఈ నేరానికి పాల్పడ్డారు. ఇందులో ఇద్దరు పురుషులు కాగా, ఓ మహిళ ఉన్నారు. ఈ ముగ్గురూ కలిసి కల్బాలోని మహిళ ఉన్న ఫ్లాట్‌కి ఓ యువకుడ్ని ఆహ్వానించారు. పోలీసులకు సమాచారం అందగానే, రెడ్‌ హ్యాండెడ్‌గా నిందితుల్ని అరెస్ట్‌ చేశారు. ఆ సమయంలో మహిళలు, పురుషులు అసభ్యకరమైన పరిస్థితుల్లో ఉన్నారు. విచారణలో నిందితులు నేరం అంగీకరించారు.