రోడ్ ట్రాన్స్పోర్ట్ అధారిటీ , దుబాయిలో 'లాస్ట్ మైల్' ను చేరడానికి అద్దె ర్లను వినియోగించే విషయమై సుదీర్ఘ చర్చలలో ఉంది. 'లాస్ట్ మైల్' అంటే ఒక వ్యక్తీ  మెట్రో, రైలు, ట్రాం లేదా బస్సు నుండి దిగిన అనంతరం తన గమ్యస్థానం - అంటే ఇల్లు లేదా కార్యాలయానికి చేరడానికి ప్రయనించవలసిన దూరం అని అర్.టి.ఎ. లైసెన్సింగ్ ఏజెన్సీ సి.ఈ.ఓ.అహ్మద్ బహ్రోజ్యాన్ తెలిపారు. ప్రస్తుతం ఇతర ప్రత్యామ్నాయాలేవీ లేనందున, ఈ దూరం నడక ద్వారా అధిగమించవలసి వస్తున్నప్పటికీ, అనేక మంది దుబాయి వాసులు, ముఖ్యంగా వేసవికాలంలో ఇందుకు ఇష్టపడడం లేదు. ఈ విధమైన 'కార్ రెంటల్' విధానం ఫ్రాన్స్, బ్రిటన్, అమెరికా, జర్మనీ, నెదర్లండ్స్ మరియు ఆస్ట్రేలియా వంటి దేశాల్లో విజయవంతమయిందని, ఇందుకోసం ఎలక్ట్రానిక్ కార్లు, పోడ్ కార్లు మరియు చోదక రహిత వాహనాలు కూడా పరిశీలనలో ఉన్నాయని ఆయన తెలిపారు.