మస్కట్ :  కార్మిక చట్టం ఉల్లంఘించిన నేరానికి  247 మంది ఆసియా మరియు ఆఫ్రికన్ జాతీయులను రాయల్ ఒమాన్ పోలీసులు ఇతర ప్రభుత్వ సంస్థలతో సహకారంతో అరెస్ట్ చేశారు. వీరిలో 199 మంది మహిళలు, 48 మంది పురుషులు ఉన్నారు. మస్కాట్ లో  విచారణ, క్రిమినల్ ఇన్వెస్టిగేషన్ విభాగం స్పెషల్ టాస్క్ ఫోర్స్, మానవ వనురుల శాఖ , బాషేర్ మున్సిపాలిటీ మంత్రిత్వ శాఖ సహకారంతో వారిని అదుపులోనికి తీసుకొన్నారు. " ఈ సందర్భంగా రాయల్ ఒమాన్ పోలీస్ ఉన్నతాధికారి ఒకరు " మా గల్ఫ్ న్యూస్ డాట్ కామ్ " తో  మాట్లాడుతూ, వారు బాషేర్ లోని  వివిధ ప్రదేశాల నుండి అరెస్టు చేయబడ్డారని తెలిపారు. వీరిలో అత్యధికులు చేసిన నేరాలు ఏమిటంటే చట్టవిరుద్ధంగా దేశంలో ప్రవేశించడం, కార్మిక మరియు నివాస చట్టాల ఉల్లంఘన, మోసం, వ్యభిచారం మరియు మానవ అక్రమ రవాణా వంటివిఉన్నాయి. వీరి నేరాలపై దర్యాప్తు పూర్తిచేయడానికి నిందితులను  న్యాయ అధికారుల ఎదుటకు సూచించబడ్డారు.