రస్‌ అల్‌ ఖైమా:34 ఏళ్ళ ఎమిరేటీ వ్యక్తి రస్‌ అల్‌ ఖైమాలో జరిగిన రోడ్డు ప్రమాదంలో మృతి చెందారు. అల్‌ రామ్స్‌ ప్రాంతంలో 19 ఏళ్ళ వ్యక్తి నడుపుతున్న కారు దూసుకెళ్ళడంతో ఈ రోడ్డు ప్రమాదం జరిగినట్లు అల్‌ రామ్స్‌ పోలీస్‌ స్టేషన్‌ చీఫ్‌ - కల్నల్‌ ఇబ్రహీమ్‌ మొహమ్మద్‌ మట్టర్‌ చెప్పారు. ప్రమాదం గురించి సమాచారం అందగానే ట్రాఫిక్‌ పెట్రోల్‌, అంబులెన్స్‌, పారామెడిక్స్‌, రెస్క్యూ టీమ్‌ని సంఘటనా స్థలానికి పంపించామని చెప్పారాయన. బాధితుడ్ని రక్షించేందుకు అన్ని ప్రయత్నాలూ చేశామనీ, దురదృష్టవశాత్తూ అతని ప్రాణాలు కాపాడలేకపోయామని వివరించారు కల్నల్‌ ఇబ్రహీమ్‌. మృతదేహాన్ని మార్గ్యుకి తరలించారు. వాహనదారులు రాత్రి వేళల్లో తమ వాహనాలు నడిపేటప్పుడు మరింత అప్రమత్తంగా వుండాలనీ ఈ సందర్భంగా కల్నల్‌ చెప్పారు.