మస్కట్‌: బురైమిలోని అల్‌ ఫయ్యాద్‌లోగల ఓ ఫామ్‌లో అగ్ని ప్రమాదం చోటు చేసుకుంది. ఈ విషయాన్ని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వెల్లడించింది. ఫామ్‌లో అగ్ని ప్రమాదం సంభవించిన విషయం తెలుసుకోగానే, అక్కడికి చేరుకుని మంటలు వ్యాపించకుండా చేయగలిగామని సివిల్‌ డిఫెన్స్‌ వర్గాలు వివరించాయి. ఈ ఘటనలో ఎవరికీ ఎలాంటి ప్రాణ హానీ కలగలేదని పిఎసిడిఎ పేర్కొంది. ఫైర్‌ ఫైటర్స్‌ అత్యంత చాకచక్యంగా వ్యవహరించారని ఈ సందర్భంగా సివిల్‌ డిఫెన్స్‌ పేర్కొంది.