బ్రిటన్‌ : మంచు తెల్లగా కాకుండా నారింజ రంగులోనూ ఉంటుందా? అంటే అవును.. అంటున్నారు. తూర్పు యూరోపు దేశాల వారు. ఇక్కడ తాము మంచులో అంగారకునిపై స్కైయింగ్‌ చేస్తున్నట్లుందని వారు అభివర్ణిస్తున్నారు. ఇంతకూ ఇదీ ఓ ప్రకృతి వైచిత్రేనని వాతావరణ శాస్త్రవేత్తలు స్పష్టం చేస్తున్నారు. సహారా ఎడారిలో ఇసుక తుపానులు, వర్షాల కారణంగా మంచు నారింజ రంగును సంతరించుకుంటుందని, అరుదుగా ఐదేళ్లకోసారి ఇలా మంచు నారింజ రంగుకు మారుతుందని వారు వివరిస్తున్నారు. నాసా తీసిన ఫొటోలలో తూర్పు యూరప్‌లో మంచు నారింజరంగుతో ఉన్న ఫొటోలను కొన్ని ఛానల్స్‌లో ప్రత్యక్షమయ్యాయి. వాతావరణంలోకి ఇసుక ఎక్కువ స్థాయిలోకి చేరినప్పుడు ఆ ఇసుక రంగు మంచును ప్రభావితం చేసి మంచే నారింజ రంగులో కనిపిస్తుందని బ్రిటన్‌ జాతీయ వాతావరణ సేవల శాస్త్రవేత్త స్టీవెన్‌ కేట్స్‌ వెల్లడించారు.