యువ దర్శకుడు కార్తీక్‌ నరేన్‌తో ఏర్పడ్డ వివాదానికి ఎట్టకేలకు దర్శక నిర్మాత గౌతమ్‌ మీనన్‌ పుల్‌స్టాప్‌ పెట్టారు. కార్తీక్‌ నరెన్‌ రెండో చిత్రం నరగాసూరన్‌ నిర్మాతగా గౌతమ్ మీనన్ ఉండేవాడు. అయితే సినిమా 50 శాతం పూర్తయ్యాక అర్థాంతరంగా గౌతమ్‌ ఆ ప్రాజెక్టు నుంచి తప్పుకున్నాడు.గౌతమ్‌ మీనన్‌పై తాను పెట్టుకున్న నమ్మకాన్ని దారుణంగా దెబ్బతీసి మోసం చేశాడని కార్తీక్‌ ట్వీట్‌ చేశాడు. ఈ వివాదం కోలీవుడ్‌లో తీవ్ర చర్చనీయాంశంగా మారింది. దీంతో వెనక్కితగ్గిన గౌతమ్‌ మీనన్‌ కార్తీక్‌కు క్షమాపణలు చెబుతున్నట్లు ఫేస్‌బుక్‌లో ఓ లెటర్‌ను పోస్ట్‌ చేశాడు.