మస్కట్‌: ఒక వలసదారుడు నీట మునిగిపోగా, మరొకరు గాయపడ్డ ఘటన సుర్‌లోని ఆడి షాబ్‌లో చోటు చేసుకుంది. ఒమన్‌ రెస్క్యూ ఏజెన్సీ ఈ వివరాల్ని వెల్లడించింది. పబ్లిక్‌ అథారిటీ ఫర్‌ సివిల్‌ డిఫెన్స్‌ వెల్లడించిన వివరాల ప్రకారం, వాటర్‌ రెస్క్యూ టీమ్‌, తమకు లభ్యమైన మృతదేహాన్ని అక్కడి నుంచి తరలించగా, గాయపడ్డ వ్యక్తికి తక్షణ వైద్య సహాయం అందించడం జరిగింది. సమాచారం అందుకుని, అంబులెన్స్‌ అథారిటీస్‌ సంఘటనా స్థలానికి చేరుకునేసరికే ఓ వ్యక్తి మృతి చెందాడని పబ్లిక్‌ అథారిటీ ఫర్‌ సివిల్‌ డిఫెన్స్‌ ఓ ప్రకటనలో పేర్కొంది.