ఫుజారియాలో జరిగిన ఓ రోడ్డు ప్రమాదంలో ఎమిరేటీ యువకుడొకరు మృతి చెందారు. ఒహాలా ప్రాంతంలో ఈ రోడ్డు ప్రమాదం జరిగింది. ఫుజారియాకి 40 కిలోమీటర్ల దూరంలో ఈ రోడ్డు ప్రమాదం జరిగినట్లుగా అధికారులు తెలిపారు. ఈ ప్రమాదంలో 25 ఏళ్ళ యువకుడు కూడా తీవ్రంగా గాయపడ్డాడు. మృతుడి వయసు 19 సంవత్సరాలు. స్నేహితుడితో కలిసి కారులో వెళుతుండగా కారు ప్రమాదానికి గురికావడంతో డ్రైవింగ్‌ చేస్తున్న 19 ఏళ్ళ యువకుడు ప్రాణాలు కోల్పోయాడు. అతి వేగమే రోడ్డు ప్రమాదానికి కారణంగా పోలీసులు ప్రాథమికంగా నిర్ధారణకు వచ్చారు.