మస్కట్‌: 9 నుంచి 18 ఏళ్ళ వయసున్న చిన్నారులు మహౌత్‌లోని అల్‌ రువైస్‌ బీచ్‌లో క్లీన్‌ అప్‌ క్యాంపెయిన్‌ని చేపట్టారు. మినిస్ట్రీ ఆఫ్‌ సోషల్‌ డిపార్ట్‌మెంట్‌, సవారా ఒమన్‌తో కలిసి సంయుక్తంగా ఈ క్లీన్‌ అప్‌ డ్రైవ్‌ని నిర్వహించగా, చిన్నారులు ఉత్సాహంగా పాల్గొన్నారు. మార్చి 29 నుంచి మూడు రోజులపాటు జరిగిన ఈ కార్యక్రమంలో 30 మంది చిన్నారులు సుమారు 50 గంటల పాటు బీచ్‌లో క్లీన్‌ అప్‌ కార్యక్రమంలో పాల్గొన్నట్లు అధికారులు వెల్లడించారు. చిన్నారుల్లో సమాజ సేవ, ప్రకృతి పరిరక్షణ పట్ల అవగాహన కల్పించడంతోపాటుగా, స్వచ్ఛత పట్ల సామాన్యుల్లోనూ అవగాహన పెంచేలా చిన్నారులతో ఈ కార్యక్రమాలు చేపట్టేలా చేస్తున్నట్లు అధికారులు వివరించారు.