మస్కట్‌: మావాలిహ్‌లో ఓ రోడ్డు ప్రమాదం కారణంగా మూడు వాహనాలు ధ్వంసమయ్యాయి. ఈ ఘటనలో ఓ కారు దగ్ధమయ్యింది. రాయల్‌ ఒమన్‌ పోలీసులు వెల్లడించిన వివరాల ప్రకారం ఈ ఘటనలో పలువురికి గాయాలయ్యాయి. ఎవరూ ఈ ఘటనలో ప్రాణాలు కోల్పోలేదు. గాయపడ్డవారి ఆరోగ్య పరిస్థితిపై వివరాలు తెలియాల్సి వుంది. ప్రమాదం కారణంగా రోడ్డుపై తీవ్రమైన ట్రాఫిక్‌ సమస్య తలెత్తింది. అల్‌ ముజున్‌ రౌండెబౌట్‌ - సదరన్‌ మావాలిహ్‌లో ఈ ఘటన జరిగిందని రాయల్‌ ఒమన్‌ పోలీస్‌ ఓ ప్రకటనలో పేర్కొంది. పోలీసులు ట్రాఫిక్‌ని క్రమబద్దీకరించేందుకు చర్యలు చేపట్టారు.