మస్కట్‌: ఓ ఇంట్లో అగ్ని ప్రమాదం సంభవించడంతో ఓ వ్యక్తి మృతి చెందాడు. సలాలాలో ఈ ఘటన జరిగినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) వెల్లడించింది. ఫైర్‌ ఫైటర్స్‌ స్పందించి మంటల్ని ఆర్పివేయగలిగినా, బాధితుడ్ని రక్షించలేకపోయినట్లు పిఎసిడిఎ వర్గాలు పేర్కొన్నాయి. సంఘటన గురించి సమాచారం అందుకోగానే అక్కడికి రెస్క్యూ మరియు అంబులెన్స్‌ టీమ్‌ చేరుకుని, సహాయక చర్యలు ముమ్మరం చేసినట్లు అధికారులు చెప్పారు. అల్‌ వాడి ఏరియాలో ఈ ప్రమాదం జరిగింది. మృతుడ్ని ఆఫ్రికా జాతీయుడిగా గుర్తించారు.