మస్కట్‌: అర్బన్‌ ఇన్‌స్పెక్షన్‌ డిపార్ట్‌మెంట్‌, అక్రమంగా వలసదారులు తమ వ్యాపార కార్యకలాపాల కోసం వినియోగిస్తోన్న ఓ ఇంటిని సీజ్‌ చేశారు. పలు ఇతర షాప్‌లను లైసెన్స్‌ లేకుండా నిర్వహిస్తున్నారన్న అభియోగాల మేరకు మస్కట్‌ మునిసిపాలిటీ అధికారులు మూసివేస్తున్నట్లు ప్రకటించారు. లైసెన్స్‌ లేకుండా నడపడం, లైసెన్స్‌లను రెన్యువల్‌ చేసుకోకపోవడం వంటి ఉల్లంఘనలపై షాప్‌లను మూసివేసినట్లు తెలిపిన అధికారులు, ఉల్లంఘనలపై కఠిన చర్యలు తీసుకోబడ్తాయని హెచ్చరించారు. అల్‌ ఘుబ్రాలోనూ, అల్‌ జఫ్‌నీన్‌, అల్‌ ఖౌద్‌లోనూ ఈ మూసివేతలు జరిగాయి. అర్బన్‌ ఇన్‌స్పెక్షన్‌ డిపార్ట్‌మెంట్‌ - మస్కట్‌ మునిసిపాలిటీ ఈ తనిఖీలను నిర్వహించింది.