సెర్చ్ ఇంజన్‌లో టాప్ మోస్ట్ ప్లేస్‌లో ఉంది గూగుల్. ఎవరికి ఏ తరహా సమాచారం కావాలన్నా గూగుల్ మాతను ఆశ్రయిచాల్సిందే. నెట్ ముందు కూర్చుంటే ముందుగా వెళ్లేది గూగుల్ సెర్చ్ ఇంజన్ సైట్లోకే. ఇంతగా సంచలనం సృష్టిస్తున్న గూగుల్ వినియోగ దారుల కోసం మరో కొత్త ఫీచర్‌ను తీసుకురానుంది. ఇందుకు చేయవలసిందల్లా గూగుల్ సెర్చ్‌లో 'జాబ్స్ నియర్ బై మీ' అని టైప్ చేయాలి. దీని ద్వారా అందుబాటులో ఉన్న ఉద్యోగ వివరాలను సులభంగా తెలుసుకోవచ్చు. అమెరికాలో అమలులో ఉన్న ఈ సౌకర్యం త్వరలో భారతీయ నిరుద్యోగులకు కూడా తీపి కబురును అందజేయనుంది.