ఈజిప్టు రాజధాని కైరోలో బాంబు పేలిన ఘటనలో 16 మంది మృతిచెందారు. నగరంలోని అగౌజా ప్రాంతంలో ఉన్న ఓ రెస్టారెంట్‌లోకి ఆగంతకులు బాంబును విసిరారు. మాస్కులతో వచ్చిన ముగ్గురు వ్యక్తులు రెస్టారెంట్‌లోకి బాంబును విసిరి పారిపోయారు. ఓ నైట్ క్లబ్‌ను ఆగంతకులు టార్గెట్ చేసిన పోలీసులు అనుమానిస్తున్నారు. అయితే దాడికి దిగింది ఎవరన్న విషయం ఇంకా స్పష్టం కాలేదు. ఇటీవల ఈజిప్టులో మిలిటెంట్ల అరాచకాలు ఎక్కువవుతున్నాయి. దాంతో వాళ్ల పాత్రపై అనుమానాలు వ్యక్తం అవుతున్నాయి.