లండన్‌ : ప్రపంచవ్యాప్తంగా ఆస్తకిగా ఎదురుచూస్తున్న బ్రిటన్‌ యువరాజు ప్రిన్స్‌ హ్యారీ, మెగన్‌ మార్కెల్‌ వివాహ వేడుకపై జోరుగా బెట్టింగ్‌ సాగుతోంది. వేడుకలో మెగన్‌ ధరించే దుస్తుల రంగు, పెళ్లి వేడుకలో మొదట ప్రదర్శన ఇచ్చే కళాకారుడు, ఇలా.. ఒక్కోదానిపై పందెంరాయుళ్లు బెట్టింగులు కడుతున్నారు. వివాహ మహోత్సవానికి మరో ఎనిమిది రోజుల సమయం ఉంది. చాలామంది యువరాణి నీలిరంగు టోపీ ధరిస్తారని.. ఎల్టన్‌జాన్‌ తొలిప్రదర్శన ఇస్తారని పందేలు కాస్తున్నారు. వేడుక కోసం విండోర్స్ నగరం ఇప్పటికే ముస్తాబైంది. రహదారులన్నీ రంగురంగుల విద్యుద్దీపాలతో కొత్తశోభను సంతరించుకున్నాయి.