ఎమిరేట్స్‌ గ్రూప్‌ నుంచి ఉద్యోగావకాశాల పేరుతో ఆఫర్‌ లెటర్‌ వస్తే అప్రమత్తంగా వుండాల్సిందే. ఈ విషయాన్ని ఎమిరేట్స్‌ గ్రూప్‌ తమ అధికారిక వెబ్‌సైట్‌లో ఓ నోటిఫికేషన్‌ వార్నింగ్‌ని పొందుపర్చింది. తమ గ్రూపుతో సంబంధం లేకుండా కొందరు అక్రమార్కులు నిరుద్యోగుల్ని ఉద్యోగాల పేరుతో మోసం చేస్తున్నట్లు తమ దృష్టికి వచ్చిందనీ, ఈ నేపథ్యంలోనే ఉద్యోగార్థుల్ని అప్రమత్తం చేస్తున్నామని ఆ ప్రకటనలో పేర్కొంది ఎమిరేట్స్‌ గ్రూప్‌. ఉద్యోగాల కోసం డబ్బులను జమచేయాల్సిందిగా అక్రమార్కులు నిరుద్యోగులను కోరుతున్నారు. ఉద్యోగం కోసం ఎమిరేట్స్‌ గ్రూప్‌ ఇలాంటి చర్యలకు పాల్పడదని సంస్థ స్పష్టం చేసింది. మెయిల్‌ ఐడీని గుర్తించడం ద్వారా 'ఫేక్‌' అని తెలుసుకోవచ్చంటోంది ఎమిరేట్స్‌ గ్రూప్‌.