కావలసినవి: క్యాప్సికమ్‌ - రెండు, తులసాకులు(గుజ్జు) - 10 గ్రాములు, ఉల్లికాడలు - 20 గ్రాములు, అల్లం - నాలుగు గ్రాములు, గుడ్డు - ఒకటి, ఉప్పు - రుచికి సరిపడా, మిర్చి గుజ్జు - 20 గ్రాములు, మైదా - 50 గ్రాములు, నూనె - వంద మిల్లిలీటర్లు, ఆయిస్టర్‌ సాస్‌, కొత్తిమీర - ఒక్కోటి 20 గ్రాముల చొప్పున, వెల్లుల్లి - 10 గ్రాములు, చికెన్‌ (బోన్‌లెస్‌) - 200 గ్రాములు. అలంకరించేందుకు మరికొన్ని తులసాకులు తీసుకోవాలి.

తయారీ: చికెన్‌ను శుభ్రంగా కడిగి ముక్కలు కోయాలి. కూరగాయల్ని కూడా కడిగి ముక్కలు కోయాలి. మైదాపిండిలో ఉప్పు వేసి గుడ్డు సొన కలిపి పిండి ముద్ద చేయాలి. చికెన్‌ ముక్కల్ని ఆ పిండిలో ముంచి వేగించాలి. ఒక పాన్‌లో నూనె వేడిచేసి అల్లం వెల్లుల్లి, కొత్తిమీర, ఆయిస్టర్‌ సాస్‌, మిర్చి గుజ్జు వేసి ఓ మాదిరి మంట మీద వేడిచేయాలి. తరువాత వేగించిన చికెన్‌ ముక్కలు, తులసాకుల గుజ్జు వేసి కలపాలి. తులసాకులతో అలకంరించాలి.