మస్కట్‌: ఒమన్‌లో మూడు ఇళ్ళు అగ్ని ప్రమాదానికి గురయినట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) పేర్కొంది. ఫైర్‌ ఫైటర్స్‌ సకాలంలో సంఘటనా స్థలానికి చేరుకుని, మంటల్ని అదుపు చేశారు. విలాయత్‌ ఆఫ్‌ సుర్‌లో ఓ ఇల్లు అగ్ని ప్రమాదానికి గురి కాగా, జలాన్‌ బిన్‌ బు అలిలో ఓ ఇల్లు, విలాయత్‌ ఆఫ్‌ సీబ్‌లో మరో ఇల్లు దహనమయ్యాయి. ఆయా సంఘటనల్లో మంటలు వ్యాపించకుండా ఫైర్‌ ఫైటర్స్‌ చాకచక్యంగా వ్యవహరించారు. ఈ ఘటనల్లో ఎవరికీ ఎలాంటి గాయాలూ కాలేదు.