జెడ్డా:సౌదీ బోర్డర్‌ గార్డ్స్‌, 1,117 కిలోగ్రాముల హాషిస్‌ని స్మగుల్‌ చేస్తున్న 30 మందిని అరెస్ట్‌ చేశారు. మే 7 నుంచి 19 వరకు నిర్వహించిన తనిఖీల్లో పెద్ద మొత్తంలో హాషిస్‌ డ్రగ్స్‌ దొరికాయి బోర్డర్‌ సెక్యూరిటీ గార్డ్స్‌కి. వివిధ దేశాలకు చెందిన 30 మంది స్మగ్లర్స్‌ని అరెస్ట్‌ చేసినట్లు బోర్డర్‌ సెక్యూరిటీ గార్డ్స్‌ వెల్లడించింది. బోర్డర్‌ గార్డ్స్‌ అధికార ప్రతినిథి కల్నల్‌ సహీర్‌ అల్‌ హార్బి మాట్లాడుతూ, అరెస్టయినవారిలో 13 మంది ఇథియోపియన్లు, ఆరుగురు సోమాలీలు, 11 మంది యెమనీలు వున్నారనీ, వీరిని విచారణ నిమిత్తం సంబంధిత అథారిటీస్‌కి అప్పగించడం జరిగిందని అన్నారు. బోర్డర్‌ గార్డ్స్‌ అత్యంత సమర్థవంతంగా ఈ తరహా నేరాల్ని అదుపు చేయగలుగుతున్నారు.