దుబాయ్‌:పబ్లిక్‌ హెల్త్‌ అండ్‌ సేఫ్టీ డిపార్ట్‌మెంట్‌ - దుబాయ్‌ మునిసిపాలిటీ, సోషల్‌ మీడియా వేదికగా జరుగుతున్న రూమర్లకు చెక్‌ పెట్టింది. అరిస్టోక్రాట్‌ బేబీ ఆయిల్‌తో అలర్జీలు వస్తున్నాయంటూ రూమర్లు వినవస్తున్నాయి. ఈ అంశంపై పబ్లిక్‌ హెల్త్‌ డిపార్ట్‌మెంట్‌ స్పందించింది. ఈ ప్రోడక్ట్‌ యూఏఈలో రిజిస్టర్‌ అయి లేదనీ, ఎక్కడా ఈ ప్రోడక్ట్‌కి సంబంధించిన ఆనవాళ్ళు లేవని పేర్కొంది. దుబాయ్‌లోగానీ, యూఏఈలో గానీ లేని ఈ ప్రాడక్ట్‌పై రూమర్స్‌లో అర్థం లేదని మునిసిపాలిటీ స్పష్టం చేసింది. ఎప్పటికప్పుడు దుబాయ్‌ మునిసిపాలిటీ, ఆయా ప్రాడక్ట్‌ల విషయమై తనిఖీలు నిర్వహిస్తుందనీ, ఉల్లంఘనలకు పాల్పడేవారిపై కఠినమైన చర్యలు తీసుకుంటుందని అధికారులు తేల్చి చెప్పారు. వినియోగదారులెవరైనా తమకు అనుమానాలు కలిగితే, వెంటనే 'మాంతాజి' యాప్‌ ద్వారా ఫిర్యాదు చేయచ్చని అధికారులు వివరించారు.