బహ్రెయిన్:ఫోర్త్‌ హై క్రిమినల్‌ కోర్టు, ఆరుగురు టెర్రర్‌ అనుమానితులకు జీవిత ఖైదు విధించింది. పేలుళ్ళకు ప్రయత్నించినట్లు వీరిపై అభియోగాలు మోపబడ్డాయి. టెర్రర్‌ క్రైమ్‌ ప్రాసిక్యూషన్‌ అడ్వొకేట్‌ జనరల్‌ ఛాన్సలర్‌ అహ్మద్‌ అల్‌ హుమైదీ ఈ విషయాన్ని వెల్లడించారు. క్రిమినల్‌ ఇన్వెస్టిగేషన్‌ డైరెక్టరేట్‌ (సిఐడి) నుంచి అందిన నోటిఫికేషన్‌ నేపథ్యంలో పబ్లిక్‌ ప్రాసిక్యూషన్‌ కేసు విచారణ చేపట్టింది. డెరాజ్‌లో నిర్వహించిన అనధికార ర్యాలీలో కొందరు దుండగులు బాంబులు పేల్చగా, ఈ ఘటనలో ఇద్దరు సెక్యూరిటీ ఆఫీసర్‌ గాయపడ్డారు. ఈ నేపథ్యంలో విచారణ జరగగా, ఈ కేసులో ఆరుగురు అనుమానితుల్ని గుర్తించారు. ఈ ఘటనకు వారే బాధ్యులుగా నిర్ధారించడం జరిగింది.