గల్ఫ్‌ కార్పొరేషన్‌ కౌన్సిల్‌ (జిసిసి) యాన్యువల్‌ సమ్మిట్‌లో కీలక చర్చలు జరుగుతున్నాయి. గల్ఫ్‌ దేశాల మధ్య సన్నిహిత సంబంధాల్ని పెంపొందించే దిశగా తీసుకోవాల్సిన చర్చలపై ఈ సమ్మిట్‌లో జిసిసి ముఖ్య నాయకులు చర్చలు జరిపారు. ఇంధన ధరల పతనం, ప్రస్తుత ఆర్థిక సంక్షోభం, తీసుకోవాల్సిన జాగ్రత్తలపై చర్చించారు నేతలు. అలాగే సిరియా అధ్యక్షుడు బషర్‌ అల్‌ అసద్‌కి మద్దతుగా నిలవాలని తీర్మానించారు. గల్ఫ్‌ మిలిటరీ ఫోర్సెస్‌ ఎమెన్‌లో ప్రభుత్వానికి సవాల్‌ విసురుతున్న తీవ్రవాదులతో పోరాడుతున్న వైనం కూడా చర్చకు వచ్చింది. తీవ్రవాదాన్ని ఎట్టి పరిస్థితుల్లోనూ గల్ఫ్‌ దేశాలు ఉపేక్షించరాదని ఈ సమావేశంలో తీర్మానించారు. బహ్రెయిన్‌, కువైట్‌, ఒమన్‌, ఖతార్‌, సౌది అరేబియా మరియు యూఏఈ ప్రతినిథులు ఈ చర్చల్లో పాల్గొన్నారు. సౌదీ రాజధానిలో జరుగుతున్న ఈ సమావేశాలు గల్ఫ్‌ దేశాలను అభివృద్ధి పథంలో, ఏకతాటిపై నడిపిస్తాయని భావిస్తున్నారు.