సంక్రాంతి పండుగకు టాలీవుడ్ టాప్ హీరోల సినిమాలు విడుదల కావడం ఆనవాయితీగా వస్తుంది. ఈ నేపథ్యంలో ముందుగా రామ్ చరణ్ తన తాజా చిత్రం సంక్రాంతి బరిలో నిలవనున్నట్టు కొద్ది సేపటి క్రితం ప్రకటించాడు. బోయపాటి దర్శకత్వంలో రామ్ చరణ్ 12వ చిత్రం డీవీవీ దానయ్య నిర్మాణంలో రూపొందుతుంది. కైరా అద్వానీ కథానాయికగా నటిస్తున్న ఈ చిత్రం హైదరాబాద్‌ షెడ్యూల్ త్వరలోనే జరుపుకోనుంది. రామ్ చరణ్ 12వ చిత్రంలో వివేక్‌ ఒబెరాయ్, ప్రశాంత్‌, స్నేహ ముఖ్య పాత్రలలో కనిపించనున్నారు. కన్నడ హీరో సుదీప్‌ విలన్‌గా కనిపిస్తాడని అంటున్నారు.