అజ్మన్‌ సివిల్‌ డిఫెన్స్‌ సిబ్బంది నీటిలో మునిగిపోతున్న ఇద్దర్ని చాకచక్యంగా రక్షించడం జరిగింది. ఈద్‌ అల్‌ ఫితర్‌ సెలవుల్లో ఈ ఘటన చోటు చేసుకుంది. ఈ ఘటనలో బాధితులు ఇద్దరూ ఆసియాకి చెందినవారు. బలమైన కెరటాల తాకిడికి వీరు నీట మునిగినట్లు సివిల్‌ డిఫెన్స్‌ సిబ్బంది పేర్కొన్నారు. మరో ఘటనలో ఆఫ్రికాకి చెందిన ఓ వ్యక్తి అల్లకల్లోలంగా వున్న సముద్రంలో ఇరక్కుపోగా, అతన్ని సివిల్‌ డిఫెన్స్‌ సిబ్బంది బయటకు తీసేందుకు ప్రయత్నించారు. దురదృష్టవశాత్తూ ఆ వ్యక్తి ఆసుపత్రిలో చికిత్స పొందుతూ ప్రాణాలు కోల్పోయినట్లు అజ్మన్‌ సివిల్‌ డిఫెన్స్‌ డైరెక్టర్‌ జనరల్‌ బ్రిగేడియర్‌ అబ్దుల్‌ అజీజ్‌ అల్‌ షామ్సి చెప్పారు. రాత్రి వేళల్లో కొన్ని బీచ్‌లలో భద్రతా కోణంలో స్విమ్మింగ్‌ని బ్యాన్‌ చేసినట్లు చెప్పారు. రెస్క్యూ టీమ్స్‌ ఎల్లప్పుడూ ఆయా ప్రాంతాల్లో అందుబాటులో ఉంటాయని తెలిపారాయన.