బహ్రెయిన్‌ కస్టమ్స్‌ అధికారులు 17 ఏళ్ళ ఇండియన్‌ యువకుడ్ని మరిజువానా స్మగ్లింగ్‌ చేస్తుండగా అదుపులోకి తీసుకున్నారు. ఎయిర్‌పోర్ట్‌లో అతన్ని అదుపులోకి తీసుకున్నట్లు అధికారులు వెల్లడించారు. 16 ఏళ్ళ వయసున్న తన సహచరుడికి అందించేందుకు ఈ డ్రగ్స్‌ని నిందితుడు తీసుకొచ్చినట్లు విచారణలో తేలింది. బ్యాగ్‌ని ఎక్స్‌రే చేయగా, అందులో న్యూస్‌ పేపర్స్‌తో చేసిన నాలుగు బాల్స్‌ కన్పించాయనీ, వాటిని మ్యాన్యువల్‌గా తనిఖీ చేసి, ఓపెన్‌ చేయగా, అందులోంచి మరిజువానా బయటపడిందని అధికారులు చెప్పారు. అర కిలోగ్రాము వరకు ఈ డ్రగ్‌ బరువు తూగింది. నిందితులిద్దరికీ 10 ఏళ్ళ జైలు శిక్ష విధించింది న్యాయస్థానం. అలాగే చెరొక 5,000 బహ్రెయినీ దినార్స్‌ జరీమానాని సైతం న్యాయస్థానం ఖరారు చేసింది.