బ్రిటన్‌కు చెందిన వాతావరణ శాఖ కార్యాలయం తన 164 ఏళ్ల చరిత్రలో తొలిసారి తుఫాను హెచ్చరికలు జారీ చేసింది. ఆదివారం నైరుతి ఇంగ్లండ్, వేల్స్ ప్రాంతాల్లో కుండపోతతోపాటు వడగండ్లు, పిడుగులు పడతాయని హెచ్చరికలు జారీ చేసింది. ఈ వాతావరణ శాఖ గత నెలలోనే తుఫాను హెచ్చరికల వ్యవస్థను ఏర్పాటుచేసింది. ముఖ్యంగా పిడుగులు పడే ప్రమాదంపై హెచ్చరికలు జారీ చేయడానికి ఈ వ్యవస్థను తీసుకొచ్చారు. భారీ వర్షం కారణంగా ఇళ్లు, వ్యాపార సముదాయల్లోకి వరద వచ్చే ప్రమాదం కూడా ఉందని స్పష్టంచేసింది. గంటకు మూడు నుంచి నాలుగు సెంటీమీటర్ల వర్షం కురవొచ్చని అంచనా వేసింది.