భూకంపం రాలేదు.. బాంబులు పేలలేదు.. అంతా ప్రశాంతంగా ఉంది.. కానీ.. ఓ ఇల్లు మాత్రం ఒక్కసారిగా కుప్పకూలిపోయింది. అర్థరాత్రి జరిగిన ఈ సంఘటన అందర్నీ భయకంపితులను చేసింది. బాంబులు పడ్డట్లు శబ్ధం రావడంతో ఇరుగు పొరుగు బయటకు వచ్చి చూసే సరికి.. కుప్పకూలిన ఇల్లు కనిపించింది.

బెంగళూరులోని ఆస్టిన్‌ టౌన్‌లో ఈ ప్రమాదం జరిగింది. ఆ సమయంలో ఇంట్లో అద్దెకు ఉంటున్న భార్యా భర్తలు నిద్రిస్తున్నారు. భవన శిధిలాల కింద కూరుకుపోయిన వారిద్దర్నీ స్థానికులు రక్షించారు. అదృష్ట వశాత్తూ వారిద్దరూ ప్రాణాలతో బయటపడ్డారు. తీవ్రగాయాల పాలైన వారిని స్థానికులు ఆస్పత్రికి తరలించారు.

ఆస్టిన్‌ టౌన్‌లో ఉన్న ఈ రెండంతస్తుల భవనాన్ని కట్టి దాదాపు 40 ఏళ్లవుతోంది. దీన్ని ఇటీవలే రాజు కొనుగోలు చేశాడు. దీన్ని అద్దెకు ఇచ్చాడు. ఇల్లు కూలిపోవడంతో రాజుపై కేసు నమేదు చేసి.. అరెస్ట్ చేశారు. అసలు భవనం ఎందుకు కూలిపోయిందన్నదానిపై మున్సిపల్‌ అధికారులు దర్యాప్తు చేస్తున్నారు.