ప్రముఖ సినీ దర్శక నిర్మాత ఆర్. త్యాగరాజన్ చెన్నైలో గుండెపోటుతో కన్నుమూశారు. 74 సం.ల వయసున్న ఆయన పలు తమిళ, హిందీ, తెలుగు భాషల్లో దాదాపు 35 చిత్రాలను తెరకెక్కించారు. రజనీకాంత్, కమల్‌హాసన్ వంటి అగ్రనటులతో కూడా ఆయన చిత్రాలు నిర్మించారు. ఎంజీఆర్ హీరోగా పలు హిట్ చిత్రాలకు నిర్మాతగా వ్యవహరించారు. రజనీకాంత్, రాజేష్ ఖన్నాలతో రెండు హిందీ చిత్రాలు నిర్మించారు. ఆట్టుక్కార అలమేలు అనే తమిళ చిత్రాన్ని తెలుగులో పొట్టేలు పున్నమ్మ పేరుతో రీమేక్ చేశారు. ఈయనకు భార్య సుబ్బలక్ష్మి, కొడుకు వేల్ మురుగన్, కూతురు షణ్ముగవడివు ఉన్నారు. త్యాగరాజన్ మ‌ృతికి పలువురు సినీ ప్రముఖులు సంతాపం తెలియజేసారు.