40 ఏళ్ళ అమెరికన్‌ డిజె, తన మ్యూజిక్‌ని ఆస్వాదించేందుకు వచ్చే అభిమానులకి డ్రగ్స్‌ విక్రయిస్తూ తన ఇమేజ్‌ని మరింత పెంచుకున్నాడు. పార్టీలకు అటెండ్‌ అయ్యేవారికి మరిజువానా అందిస్తూ, పోలీసులకు చిక్కాడు. 1,400 బహ్రెయినీ దినార్స్‌ మొత్తం చెల్లిస్తే, మరిజువాని అందించేందుకు సిద్ధంగా వున్నట్లు అండర్‌ కవర్‌ ఆఫీసర్‌కి నిందితుడు చెప్పాడు. దాంతో పోలీసులు, అతన్ని అదుపులోకి తీసుకున్నారు. కేసు విచారణ అనంతరం, నిందితుడికి పదేళ్ళ జైలు శిక్ష విధించింది న్యాయస్థానం. నిందితుడు అపార్ట్‌మెంట్‌లో పోలీసులు తనిఖీలు చేయగా, అక్కడ పెద్దమొత్తంలో డ్రగ్స్‌, నగదు లభించాయి. ఈ కేసులో మరో వ్యక్తిని కూడా పోలీసులు అరెస్ట్‌ చేశారు.