అబుదాబీ ఫుడ్‌ కంట్రోల్‌ అథారిటీ, ఓ ఇండియన్‌ రెస్టారెంట్‌ని మూసివేస్తూ ఆదేశాలు జారీ చేసింది. అంజప్పార్ చెట్టినాడ్‌ రెస్టారెండ్‌ మూసివేసినట్లు అధికారులు పేర్కొన్నారు. అల్‌ ఖాలిదియాలోని ఈ రెస్టారెంట్‌ హెల్త్‌ మరియు సేఫ్టీ విభాగాల్లో నిబంధనలకు తగిన విధంగా లేదని అధికారులు నిర్ధారించి, మూసివేశారు. ఎడిఎఫ్‌సిఎ అధికార ప్రతినిథి థామెర్‌ అల్‌ కాసిమి మాట్లాడుతూ, పలు మార్లు హెచ్చరించినా నిర్వాహకులు తీరు మార్చుకోకపోవడంతో రెస్టారెంట్‌ని మూసివేయాల్సి వచ్చిందని చెప్పారు. ఫ్లోర్‌, సీలింగ్‌, ఇతర ఎక్విప్‌మెంట్స్‌, రిఫ్రిజిరేటర్స్‌.. ఇవేవీ క్లీన్‌గా లేవని అధికారులు పేర్కొన్నారు. పెస్ట్‌ కంట్రోల్‌ సరిగ్గా చేయకపోవడంతో అక్కడ పరిస్థితులు దారుణంగా వున్నాయని వారు వివరించారు.