రానున్న రోజుల్లో వాతావరణం మరింత వేడిగా మారబోతోంది. ఇప్పటికే 50 డిగ్రీల సెల్సియస్‌ దాటిన ఉష్ణోగ్రతలు ఇంకా పెరుగుతాయని వాతవరణ శాఖ హెచ్చరించింది. నేషనల్‌ సెంటర్‌ ఫర్‌ మెటియరాలజీ వెల్లడించిన వివరాల ప్రకారం కొన్ని చోట్ల మేఘావృతమైనప్పటికీ, మొత్తంగా వాతావరణం వేడిగా వుంటుందని తెలుస్తోంది. గాలుల తీవ్రత సాధారణం నుంచి ఓ మోస్తరుగా వుంటుంది. వీకెండ్‌లో బయటి ప్రదేశాల్లో విహరించాలనుకునేవారికి వాతావరణం ఇబ్బందికరంగానే మారుతుంది. 51 డిగ్రీలకు ఉష్ణోగ్రత చేరనున్న దరిమిలా డీ హైడ్రేషన్‌కి గురయ్యే అవకాశం వుంది. ఈ నేపథ్యంలో తగిన జాగ్రత్తలు తీసుకోవాల్సి వుంటుంది. డస్ట్‌ ఎక్కువగా వుండడం, దానికి గాలులు తోడవడంతో విజిబిలిటీ తక్కువ వుంటుంది గనుక వాహనదారులు అప్రమత్తంగా వుండాలి.