కోటి పారితోషికం అందుకునే కథానాయికగా పంజాబి బ్యూటీ రకుల్ ప్రీత్ పేరు వినిపించింది. కేవలం నాలుగేళ్లలో అగ్రకథానాయికగా ఎదిగేసిన రకుల్ కోటి పారితోషికం అందుకుందన్న ప్రచారం సాగింది. అయితే 'స్పైడర్' పరాజయం కెరీర్ పరంగా వెనకడుగు వేసేందుకు కారణమైంది. ఆ క్రమంలోనే రకుల్ తెలివైన గేమ్ ప్లాన్‌ని అనుసరిస్తోందిట.

తాజాగా సన్నివేశం చక్కదిద్దుకునేందుకు రకుల్ 20శాతం పారితోషికం కోసేసిందని తెలుస్తోంది. ఇదివరకూ 85లక్షలకు తగ్గిన రకుల్ అందులోనూ 20 శాతం తగ్గింపు తో సరిపెట్టుకుంటోందిట. ఆ క్రమంలోనే వెంకీ- చైతన్యల 'వెంకీ మామ'కు సంతకం చేసింది. ఆ వెంటనే బాలయ్య నిర్మిస్తూ నటిస్తున్న 'ఎన్టీఆర్' బయోపిక్‌కి సంతకం చేసిందిట. రకుల్ తెలివైన నిర్ణయాన్ని ప్రశంసించాల్సిందే.