తెలంగాణ ఐటీ మంత్రి కేటీఆర్ నేడు 42వ పడిలోకి అడుగుపెట్టారు. ఈ సందర్భంగా తెలంగాణ భవన్‌లో కేటీఆర్ బర్త్‌డే వేడుకలు ఘనంగా జరిగాయి. ఈ జన్మదిన వేడుకల్లో డిప్యూటీ సీఎం మహముద్ అలీ, మంత్రులు నాయిని నర్సింహారెడ్డి, జగదీశ్‌రెడ్డి, మేయర్ బొంతు రామ్మోహన్ తో పాటు పలువురు పాల్గొన్నారు. ఈ సందర్భంగా కేక్ కట్ చేసి సంబురాలు చేసుకున్నారు. అనంతరం తెలంగాణ భవన్ వద్ద రోడ్డుకు ఇరువైపులా మంత్రులు మొక్కలు నాటారు. ఆపై రక్తదాన శిబిరం నిర్వహించారు.

మంత్రి కేటీఆర్ పుట్టినరోజు కావడంతో ప్రజాప్రతినిధులు, అభిమానులు, టీఆర్‌ఎస్ నాయకులు కేటీఆర్‌కు జన్మదిన శుభాకాంక్షలు తెలుపుతున్నారు. కేటీఆర్ ట్విట్టర్ పేజీలో జన్మదిన శుభాకాంక్షల వర్షం కురుస్తోంది. విషెష్ చెప్పిన ప్రతి ఒక్కరికీ కేటీఆర్ థ్యాంక్స్ చెప్తూ రీట్వీట్ చేస్తున్నారు.