షార్జా:32 ఏళ్ళ కార్మికుడొకరు, గోడను నిర్మిస్తుండగా ఆ గోడ కూలి మరణించాడు. ఈ ఘటన షార్జాలో చోటు చేసుకుంది. అల్‌ మదామ్‌ ప్రాంతంలో ఈ ఘటన జరిగిందని అధికారులు తెలిపారు. వాల్‌ ఫౌండేషన్‌ నిబంధనలకు అనుగుణంగా నిర్మితం కాలేదనీ, అందుకే ప్రమాదం జరిగిందని ప్రాథమికంగా నిర్ధారణకు వచ్చారు విచారణాధికారులు. ఘటన గురించి పోలీసులకు సమాచారం అందగానే. పెట్రోల్‌ అలాగే పారామెడిక్స్‌ సంఘటనా స్థలానికి చేరుకున్నారు. అయితే అప్పటికే కార్మికుడు గోడ కూలిన శకలాల్లో చిక్కుకుని ప్రాణాలు కోల్పోయాడు. రెస్క్యూ సిబ్బంది మృతదేహాన్ని, శిధిలాల నుంచి వెలికి తీశారు.