లాహార్: పాకిస్తాన్‌లో 11వ సార్వత్రిక ఎన్నికలు పూర్తయ్యాయి. ప్రస్తుతం కౌంటింగ్ కొనసాగుతోంది. లీడింగ్‌లో ఇమ్రాన్ ఖాన్ పార్టీ దూసుకువెళుతోంది. మరికొన్ని గంటల్లో రాజకీయ పార్టీల భవితవ్యం తేలనుంది. పాక్‌లో మొత్తం 272 పార్లమెంట్ నియోజకవర్గాలకు, నాలుగు రాష్ట్రాల అసెంబ్లీలకు పోలింగ్ జరిగింది. మాజీ క్రికెటర్ ఇమ్రాన్ ఖాన్‌కు చెందిన పాకిస్తాన్ తెహ్రీక్ ఇన్సాఫ్ పార్టీ, నవాజ్ షరీఫ్ నాయకత్వంలోని పాకిస్తాన్ ముస్లిం లీగ్, బిలావల్ భుట్టో జర్దారీకి చెందిన పాకిస్తాన్ పీపుల్ పార్టీలు బరిలోకి దిగాయి. అయితే పీటీఐ - ఫీఎంఎల్ మధ్యనే బిగ్‌ఫైట్ జరగనుందని సర్వేలు అంచనా వేశాయి. ఇమ్రాన్ పార్టీకి సైన్యంతో ఐఎస్ఐ, ఇస్లామిక్ ఛాందసవాదులు మద్దతిచ్చినట్లు తెలుస్తోంది.